「冼文傑,考試喇，仲成日打機」
「好心你就勤力d啦...」
「仲係度msn,sms,溫書啦,又話測驗」
可唔可以以後唔好再聽到呢幾句....

好耐都冇打過xg啦...
緊派開始我得閒番少許...
不過都令到我十分攰
宜家係咁練波打波,希望有d手感番返黎啦
中秋個三日都勁忙囉
星期五放左去練手球
練完就要即刻去地鐵站搵baby....(佢黎接我呀,仲要買咁多零食...好肥呀^^)
之後去左大坑睇舞火龍...開頭以為冇咩野睇
之後等左勁耐囉...最後終於黎了,好大煙呀...不過都幾好睇
之後我地食完野就返屋企lu
星期六一開始又要補習
補到下午
之後又要去食團月飯
跟住同肥洪佢地睇d9(麻麻地...不過可以去睇下的)
睇完就去左藍灣搵埋肥聰個d吹水
去到三點鐘就散水,五點鐘訓
不過訓左兩個鐘又起身打波
打到十一點,之後又去上水阿婆間祖屋燒野食
冇人理我囉...所以我自己透爐食住先
好多野食呀...有鱔,蝦,蟹....仲有好多特別野(鱔真係好好食呀...)
燒到十點就走lu...
不過程車就.....(唉....)
你地話喇...忙唔忙,攰唔攰呀?

之前個幾日去學校ge迎新camp
入到去竟然收唔到電話
要係謍出面先收到
所以冇得舒服咁同她傾喇
一開始入camp我好緊張嫁
因為好耐都冇去過camp啦
不過又話有中婦校花
不過.....唉...
開始個一日係canteen玩d低能遊戲
之後又係度分組
同校花一組...不過張記係咪真係中婦收留所呀
勁多都係中婦囉
夜晚因為鼻敏感發作
所以兩點就訓了
第二日六點鐘就要起身
起身做d早操
明知今日成日都要行山
做咩要咁早起喎
仲有呀,張記係咪真係咁窮
o camp都要去行山
仲有d野食根本唔係人食的
又淡又怪...
之後我地十點出發
一開始我就帶錯路
好在有呀sir係度...
頭個4公里都好易行
直到過了cp3之後就去行一條勁長樓梯
我就唔怕呀,難怪d女仔咋...
不過佢地又冇叫攰喎
所以我地繼續行啦
之後個段路先至好玩
又攀山又要跨溪澗
好刺激呀...

原本我地可以快個半鐘返camp site
點知就係太快要等其他組上黎...
之後我地個組係咁爬
終於係六點爬到上山頂

之後落山,d碎石搞到我跌左好多穫
最終係入黑前返到ca其mp site,亦係最先一隊
不過要等他四隊返黎先有得bbq
等左我勁耐喎
bbq完同呀sir吹水吹到三點就去訓了
之後最後一日操d軍訓野
我褶的床

之後我地玩鬥快過哂d關卡
最後又係我地贏...
下午三點就返家鄉了
今次o camp真係好玩
她一定很想黎玩姐
不過我和她咁耐冇見
唔知佢有冇掛住我呢